Ru
Bakı
USD
EUR
GBP
RUB

“Yüksəliş” müsabiqəsində iştirak üçün müraciətlər daha çox bu ərazilərdən daxil olub

news photo

07.02.2020 10:45 // Gənclər üçün

Prezident İlham Əliyevin iyulun 26-da imzaladığı sərəncamla intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunan “Yüksəliş” müsabiqəsinin qeydiyyat mərhələsi başa çatıb.

Youthportal.az Trend-ə istinadla xəbər verir ki, bunu "Yüksəliş" müsabiqəsi ilə bağlı işçi qrupun rəhbəri, Gənclər və idman nazirinin müavini Fərhad Hacıyev bu gün keçirilən mətbuat konfransında deyib.

Onun sözlərinə görə, 2019-cu il dekabrın 27-dən başlayan mərhələ 2020-ci il fevralın 2-də tamamlanıb: "Bu müddətdə 11.760 nəfər qeydiyyatdan keçib. Onlardan 9.775 nəfər müsabiqəyə qəbul edilib. Müsabiqəyə qəbul edilənlərin 2339 nəfəri qadın, 7436 nəfəri kişidir. Onların 40 faizi 21-30 yaş (3910 nəfər), 46,95 faizi (4589 nəfər) 31-40 yaş, 13,05 faizi (1276) 41-51 yaş qruplarına daxildir. Müsabiqəyə 1999-cu il təvəllüdlü 28 nəfər, 1990-cı il təvəllüdlü 622, 1968-ci il təvəllüdlü 12 nəfər müraciət edib. Müsabiqəyə 1000 nəfər dövlət qulluqçusu qatılıb. Müsabiqəyə ən çox Bakı-Abşeron (53,70%) və Aran (11,42 faiz) zonalarından, ən az Naxçıvan (1,80 %) qatılıblar".F.Hacıyev deyib ki, qeydiyyat mərhələsi ərzində müsabiqə ilə bağlı əhalini məlumatlandırmaq, bölgələrdəki şəxslərin müsabiqədə qeydiyyatdan keçmələrinə dəstək olmaq məqsədilə yanvarın 21-31 tarixlərində “Yüksəliş” müsabiqəsinin səyyar qeydiyyat avtobusları bölgələrə səfər edib. 778 şəxs səyyar qeydiyyat vasitəsilə qeydiyyatdan keçib.

Nazir müavini bildirib ki, ümumilikdə qeydiyyatdan keçənlərin ərazi üzrə bölgüsündə Bakı, Sumqayıt, Gəncə şəhərləri, Lənkəran və Şəki rayonlarından olan namizədlər üstünlük təşkil edir.

Digər xəbərlər

Xəbər lenti

Sabah Bakıda 28 dərəcə isti olacaq

Atəşkəs 22 dəfə pozulub

Sabah 34 dərəcə isti olacaq

Gənclər “Tələbə baharı”na dəvət olunur

UNEC onlayn idarəetməyə keçdi

Azərbaycanda Novruz bayramıdır

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi