Ru
Bakı
USD
EUR
GBP
RUB

Xalq Artisti Muxtar Maniyev vəfat edib

news photo

22.12.2016 20:00 // Cəmiyyət

Xalq Artisti Muxtar Maniyev dekabrın 22-də dünyasını dəyişib.

Bu barədə Mədəniyyət və Turizm Nazirliyindən məlumat verilib.

Xalq Artisti şəkərli diabetdən əziyyət çəkirdi. 2015-ci il avqustun 11-də aktyorun sol ayağı, bu ilin martın 15-də isə sağ ayağı Elmi Cərrahiyyə Mərkəzində amputasiya edilib.

Qeyd edək ki, Muxtar Maniyev 1935-ci ildə Bakıda doğulub. İlk təhsilini də şəhərdəki 199 nömrəli məktəbdə alıb. Neft-Kimya İnstitutunda mühəndis ixtisasına yiyələnib. Mühəndis diplomu aldıqdan sonra o, çox fikirləşmədən sənədlərini Azərbaycan Dövlət İncəsənət İnstitutuna təqdim edərək, ikinci təhsil ardınca gedib.

Muxtar Maniyevin kinoya gəlişi “Onu bağışlamaq olarmı?” filmi ilə başlayıb. Çox keçmədən ardınca “Koroğlu” filminə çəkilib. Kinorejissor Hüseyn Seyidzadə bu filmə aktyor axtarışı üçün instituta gələndə, Muxtarı elə ilk baxışdan gözü tutub və onu dəmirçi oğlu Polad rolunda çəkib. O vaxt Muxtar Maniyev hələ birinci kursda oxuyurdu. Sonrakı illər bir-birinin ardınca “İnsan məskən salır”, “O qızı tapın”, “Bizim Cəbiş müəllim” filmlərində Muxtar çox uğurlu qəhrəmanları ekranda canlandırmaqla özünü təsdiq edib. Ümumiyyətlə, sənətkar 150-dən çox filmdə bir-birindən maraqlı rollar yaradıb.

Digər xəbərlər

Xəbər lenti

Sabah Bakıda 34 dərəcə isti olacaq

Kolleclərə ixtisas seçimi davam edir

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi