Ru
Bakı
USD
EUR
GBP
RUB

"Tokio-2020" Yay Olimpiya Oyunlarına yollanacaq badmintonçuların siyahısı gələn il aprelin 30-da açıqlanacaq

news photo

10.09.2019 19:13 // İdman

“Tokio 2020” Yay Olimpiya Oyunlarında 5 kateqoriya üzrə ümumilikdə 172 badmintonçu medalları uğrunda yarışacaq.

Azərbaycan Badminton Federasiyasından Youthportal.az-a verilən məlumata görə, kişi və qadınların şəxsi yarışında 38 badmintonçu Dünya Badminton Federasiyasının reytinqinə əsasən Yay Olimpiya Oyunlarında iştirak hüququ qazanacaq. Kişi və qadınların qoşa və qarışıq-qoşa yarışlarında 16 cüt Olimpiadada mübarizə aparacaq. Bütün kateqoriyalarda 1 yer ev sahibi Yaponiyaya, digər 3 vəsiqə isə Beynəlxalq Olimpiya Komitəsi, Dünya Badminton Federasiyası və müvafiq ölkənin yerli federasiyasının daxil olduğu üçtərəfli komissiyanın qərarına əsasən veriləcək. Olimpiadaya yollanacaq badmintonçuların adlarına 2020-ci ildə aprelin 30-da açıqlanacaq dünya reytinq siyahısından sonra aydınlıq gələcək. Bütün kateqoriyalarda hər qitədən minimum 1 iştirakçı Olimpiya Oyunlarında təmsil olunmalıdır. Əgər 30 apreldə açıqlanacaq siyahıda hər hansı qitədən təmsilçi yer almazsa, o zaman Dünya Badminton Federasiyasının reytinq cədvəlində həmin qitənin ən yüksək reytinqli idmançısına (qoşa yarışlarda cütlərə) Olimpiadada iştirak hüququ yaradılır.

Qeyd edək ki, Olimpiya təsnifat turnirləri 2019-cu il aprelin 29-dan 2020-ci il aprelin 26-dək olan müddəti əhatə edir.

Digər xəbərlər

Xəbər lenti

Sabaha gözlənilən hava proqnozu

Sabah hava buludlu olacaq

Atəşkəs rejimi 23 dəfə pozulub

Sabah qar yağacaq

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi