Ru
Bakı
USD
EUR
GBP
RUB

Şamaxıda “Yay vikidüşərgəsi” başa çatıb (FOTO)

news photo

15.07.2019 12:23 // Gənclər üçün

“Azərbaycan Vikimedia Könüllüləri” İctimai Birliyi tərəfindən təcrübəli və yeni vikipediyaçılar üçün Sumqayıt Texnologiyalar Parkının sponsorluğu ilə Şamaxı şəhərində təşkil olunan “Yay vikidüşərgəsi” başa çatıb.

İctimai birlikdən Youthportal.az-a bildirilib ki, 2 gün davam edən vikidüşərgənin məqsədi Azərbaycanda “Vikipediya” hərəkatının gücləndirilməsi, fəal istifadəçilər arasında sıx əlaqələrin və əməkdaşlığın qurulması, yeni könüllülərin cəlb edilməsi, multikulturalizm cəhətdən zəngin olan və qədim tarixə malik Şamaxı və İsmayıllı rayonları və onların mədəniyyətinə dair məqalələr yaradılması olub.

Vikidüşərgədə 10-u yeni, 25-i təcrübəli istifadəçi olmaqla ümumilikdə 35 nəfər iştirak edib.

Düşərgə müddətində “Vikistatistika”, “Vikipediyanın təbliği”, “Vikitəhsil”, “Vikicəmiyyət və Vikimedia hərəkatı” mövzularında çıxışlar təqdim olunub. Texnologiya mövzusunda 30-dan artıq məqalə yaradıldıb və Vikianbara 300-dən artıq şəkil yüklənib.

Düşərgə çərçivəsində iştirakçılar Şamaxı şəhərinin tarixi-mədəni abidələrini - Şamaxı Cümə məscidini, Yeddi Gümbəz məqbərə kompleksini, Şahxəndan türbəsini, Şamaxı Tarix-Diyarşünaslıq Muzeyini, Dəmirçi kəndini və Dəmirçi Arxeologiya Muzeyini və Pirqulu qəsəbəsini ziyarət edərək Vikipediyada istifadə edilmək üçün fotoşəkillər çəkiblər.

Düşərgənin sonunda iştirakçılara sertifikatlar təqdim olunub.

 

news photo news photo news photo news photo news photo news photo news photo news photo

Digər xəbərlər

Xəbər lenti

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi