Ru
Bakı
USD
EUR
GBP
RUB

Qusarlı gənclərin iştirakı ilə “Yurdum Azərbaycanım” mövzusunda intellektual turnir keçirilib (FOTO)

news photo

28.10.2019 11:15 // Gənclər üçün

Qusar rayonunda vətənpərvərliyin intellektual oyunlar vasitəsilə təbliği məqsədilə  yeniyetmə və gənclərdən ibarət 9 komandanın iştirakı ilə yarış keçirilib.

Azərbaycan Gənclər Fondunun maliyyə  dəstəyi ilə “Yurd” Gənclərin İntellektual İnkişafına Dəstək İctimai Birliyinin “Yurdum Azərbaycanım” intellekt marafonu layihəsi çərçivəsində keçirilən tədbirin rəsmi açılış mərasimində çıxış edən layihə rəhbəri Ramin Mahmudov bildirib ki, turnirin keçirilməsində əsas məqsəd ölkə Prezidenti cənab İlham Əliyevin Nəsiminin 650, Cəfər Cabbarlının 120, Cəlil Məmmədquluzadənin 150, İsmayıl Şıxlının 100, Əhməd Ağaoğlunun 150 illik yubileylərinin keçirilməsi ilə əlaqədar verdiyi sərəncamlardan irəli gələn vəzifələrin gənclər arasında təbliğinə dəstək vermək, eyni zamanda vətənpərvərliyin gənclər arasında intellektual oyunlar vasitəsilə təbliğinə nail olmaqdır.

İctimai birlikdən Youthportal.az-a bildirilib ki, tədbirdə çıxış edən Qusar rayon Gənclər və İdman idarəsinin məsul işçisi Sevil Dəmirova tədbirin Qusarda keçirilməsində əməyi olan hər kəsə təşəkkürünü bildirərək qeyd edib ki, bu kimi əyləncəli və öyrədici tədbirlər yeniyetmə və gənclərin həm asudə vaxtının səmərəli təşkilinə, həm də daha həvəslə yeni bilikləri qavramasına təkan verir.

Rəsmi hissədən sonra yarışa start verilib. Birinci mərhələdə 9 komanda yarımfinala vəsiqə uğrunda mübarizə aparıb. 8 turun nəticələrinə əsasən ilk 4 yeri tutan komandalar mübarizəni  ikinci mərhələdə davam etdirmək hüququ qazanıb.  Yekunda “Pentaqon” biliciləri turnirin qalibi adını qazanıb. Həsənqala kəndinin təmsil edən “De Fakto” komandası ikinci, “Yamotho” adını daşıyan komanda üçüncü  olub.

Yekunda qalib və mükafatçılar təşkilatçılar tərəfindən kubok, medal, diplom və müxtəlif bədii ədəbiyyat nümunələri ilə eyni zamanda layihənin tərəfdaşı “Ekspress Təhsil Mərkəzi”nin hədiyyələri və müvafiq olaraq 80,60 və 40 faizlik güzəştli təhsil kuponları ilə təltif ediliblər.

news photo news photo news photo news photo news photo news photo news photo news photo news photo news photo

Digər xəbərlər

Xəbər lenti

Auditorlar Palatası imtahan keçirəcək

Məktəbdən peşəyə (FOTO)

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi