Ru
Bakı
USD
EUR
GBP
RUB

Nazir Azad Rəhimov gənc liderlərlə görüşdü (FOTO)

news photo

12.06.2020 15:08 // Gənclər üçün

Bu gün Azərbaycan Respublikasının Gənclər və İdman naziri Azad Rəhimov Gənclər və İdman Nazirliyi və Heydər Əliyev Mərkəzinin birgə layihəsi olan  “Heydər Əliyev siyasi məktəbini öyrənirik” Gənc Liderlər Proqramının qalib iştirakçıları ilə görüşüb, onlara gələcəyin liderləri olaraq bu məktəbi yüksək səviyyədə bitirməyi arzu edib.

Ümummilli lider Heydər Əliyevin  siyasi hakimiyyətə gəlişinin 50 illiyi münasibəti ilə 2019-cu ildən keçirilən proqramın əsas məqsədi gənclərdə müstəqil dövlətçilik ənənələrinə hörmət və sədaqət hissinin gücləndirilməsi ilə onlarda liderlik keyfiyyətlərinin inkişafına şərait yaratmaqdır. Nazir Azad Rəhimov çıxışı zamanı bildirdi  ki, bu proqram gənclər üçün bir növ qeyri-formal təhsil platformasıdır. Çıxışının davamında Azad Rəhimov vurğuladı: “Sizi, 2-3 ay ərzində maraqlı görüşlər, təlimlər və vebinarlar gözləyir. Sanitar-epidemioloji vəziyyət normallaşdıqca ünsiyyətimizin canlı rejimə keçirilməsi nəzərdə tutulub. Hazırda davam etməkdə olan COVİD-19 pandemiyası qarşımıza yeni vəzifə və çağrışlar qoyub. Azərbaycan Respublikasının Prezidenti cənab İlham Əliyevin düşünülmüş və ardıcıl siyasəti  əhalinin ilk növbədə sağlamlığının qorunmasına yönəldilib. Qısa müddət ərzində atılmış addımlar – xüsusi fondun yaradılması, Bakı və regionlarda karantin üçün yerilərin ayrılması, modul tipli xəstəxənaların tikilməsi, tibbi ləvazimatların istehsalının təmin edilməsi xüsusilə qeyd olunmalıdır”.

Layihə haqqında danışarkən bildirək ki, 01-30 aprel 2020-ci il tarixlərdə 2020-ci il üçün elan olunmuş proqrama 40-dan artıq rayon və şəhərdən 350-dən cox gənc müraciət edib. Hər bir iddidaçının anketi diqqətlə öyrənildikdən sonra ilkin seçim nəticəsində  171 gənclə onlyan formada müsahibə aparılıb. Ümumilikdə,  110 gənc iştirakçı kimi seçilib. İştirakçıların seçimi zamanı onların ictimai fəallığı, təşkilatçılıq bacarıqları, dünya görüşləri və hadisələrə baxışları, ünsiyyət və əlaqə qurmaq bacarıqları, komanda da işləmək təcrübəsi kimi meyarlara üstünlük verilib. İyun-sentyabr aylarında proqram çərçivəsində onlayn formada rəsmi şəxsərlə görüşlər, vebinarlar və təlimlərin keçirilməsi nəzərdə tutulub. Sentyabr-oktyabr aylarında iştirakçılar komandalarda layihə və təkliflər hazırlayacaqlar. Təkliflər aydiyyatı üzrə müvafiq dövlət orqanlarına təqdim edilməsi nəzərdə tutulur.

Sanitariya-epidimaloji vəziyyətdən asılı olaraq Naxçıvan Muxtar Respublikasına səfər planlaşdırılır. İştirakçıların hər birinə məzun diplomlarının təqdim edilməsi nəzərdə tutulub. 2019-cu ildə həyata keçirilmiş proqram çərçivəsində Naxçıvan Muxtar Respublikası Ali Məclisinin sədri Vasif Talıbov, Azərbaycan Respublikası Prezidentinin köməkçisi Anar Əlkəbərov, Müdafiə naziri Zakir Həsənov, Əmək və Əhalinin Sosila Müdafiəsi naziri Sahil Babayev, Təhsil naziri Ceyhun Bayramov, Dövlət Təhlükəsizlik Xidmətinin rəis müavini İlqar Musayevlə görüşüblər.  Proqram Azərbaycan Respublikası Prezidentinin 15 sentyabr 2017-ci il tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramı əsasında həyata keçirilir.

news photo news photo news photo news photo

Digər xəbərlər

Xəbər lenti

Sabah Bakıda 28 dərəcə isti olacaq

Atəşkəs 22 dəfə pozulub

Sabah 34 dərəcə isti olacaq

Gənclər “Tələbə baharı”na dəvət olunur

UNEC onlayn idarəetməyə keçdi

Azərbaycanda Novruz bayramıdır

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi