Ru
Bakı
USD
EUR
GBP
RUB

"Mən bunu bilsəydim” adlı tədbir keçiriləcək

news photo

15.11.2019 13:01 // Gənclər üçün

Azərbaycan Sahibkarlar Konfederasiyası, Azərbaycan Respublikasının Kiçik və Orta Biznesin İnkişafı Agentliyi və "Youth Inc." Sahibkarlıq Proqramının tərəfdaşlığı ilə “Qlobal Sahibkarlıq Həftəsi” çərçivəsində "Mən bunu bilsəydim" adlı tədbir keçiriləcək.

Agentlikdən Youthportal.az-a bildirilib ki, 20 Noyabr tarixində baş tutacaq tədbir "Davos" formatında tərtib olunaraq 4 biznes sahibinin öz bilik və təcrübələrini bölüşəcəyi panel müzakirələrindən ibarət olacaq. Spikerlər sahibkarlıq fəaliyyətinə uzun müddət öncə başlayan şəxslər olaraq panel çıxışlarında öz bilikləri, iş təcrübələri ilə və biznes həyatları ilə bağlı dedikləri “Mən bunu bilsəydim...” cümləsinin davamını bölüşəcəklər.

Tədbirin spikerləri “Energie Mondiale” şirkətinin təsisçisi və direktoru olan Elvin Mahmudov, 2008-ci ildən sahibkarlıq fəaliyyəti ilə məşğul olan “Azərbaycan Meyvə-Tərəvəz İstehsalçıları və İstehlakçıları Assosiasiyası”nın sədr müavini, xanım sahibkar Jalə Əmirbəyova, Aqrarkredit QSC Bank, İdarə Heyəti Sədrinin baş məsləhətçisi Turhan Poyraz və Antaris şirkətinin CEO-u Balağa Cəfərov olacaq. Panel müzakirələrinin moderatoru isə Sosial və Psixoloji Tədqiqatlar Mərkəzinin direktoru Əhəd Kazımovdur.

Landmark III Rotunda zalında baş tutacaq tədbirdə iştirak etmək üçün www.mbm.youthinc.az ünvanı ilə qeydiyyatdan keçmək kifayətdir.

Qeyd edək ki, “Qlobal Sahibkarlıq Həftəsi” 2008-ci ildə təsis edilib və artıq dünyanın 160 ölkəsini əhatə edir və ideyaları reallaşdıran, iqtisadiyyatı irəli aparan və biznes fəaliyyətləri vasitəsilə insan əmin-amanlığını genişləndirən innovasiya sahiblərini və iş yerləri yaradanların fəaliyyəyini qeyd edən vacib hadisədir. "Mən bunu bilsəydim" adlı tədbir Azərbaycan Sahibkarlıq Konfederasiyası, Azərbaycan Respublikasının Kiçik və Orta Biznesin İnkişafı Agentliyi və "Youth Inc." Sahibkarlıq Proqramının tərəfdaşlığı ilə “Qlobal Sahibkarlıq Həftəsi” çərçivəsində keçiriləcəkdir.

Digər xəbərlər

Xəbər lenti

Cəbhədə atəşkəs 24 dəfə pozuldu

Məhəmməd Hadinin 140 illiyi qeyd olunacaq

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi