Ru
Bakı
USD
EUR
GBP
RUB

“Keşlə”nin legioneri: “Səbail"ə məğlubiyyəti pis nəticə sayıram”

news photo

10.02.2020 10:23 // İdman

“Oyun barədə əlavə nə isə deyə bilmərəm. Bir qol matçın taleyini həll etdi. İlk hissədə bizim də fərqlənmək üçün şanslarımız oldu. Bunu özümüz üçün pis nəticə sayıram. Çünki uduzacağımızı gözləmirdik”.

“Youthportal.az”in məlumatına görə, bu sözləri “Keşlə”nin futbolçusu Con Kamara Azərbaycan Premyer Liqasının XVI turunda “ASK Arena”da “Səbail”ə 0:1 hesabı ilə uduzduqları oyundan sonra deyib.

Sierra-leoneli yarımmüdafiəçi meydana arxayın çıxmadıqlarını bildirib: “Səbail” çox yaxşı komandadır. Rəqibə hörmətlə yanaşırdıq. Oyunun bizim üçün çətin olacağı gözlənilən idi. Bu, futboldur, hərdən udursan, hərdən uduzursan”.

Kamara mövsümün sonunda UEFA Avropa Liqasına vəsiqə qazanacaqlarına inandığını vurğulayıb: “Məğlubiyyətə baxmayaraq, ilk “üçlük”dəki yerimizi qoruyuruq. Hədəfimiz növbəti mövsüm avrokuboklarda iştirak etməkdir. Gələcəklə bağlı nikbinəm”.

32 yaşlı oyunçu qış fasiləsində komandaya cəlb olunan özbəkistanlı yarımmüdafiəçi Şohruh Qadoyev və anqolalı hücumçu Aleksandr Kriştavaonun “Səbail”lə oyundakı çıxışını da dəyərləndirib: “Qadoyev və Kriştovaonun komandaya kömək etmədikləri fikri ilə razı deyiləm. Hər ikisi yaxşı futbolçudur. Azərbaycan Premyer Liqası onlar üçün yad çempionatdır. Bura uyğunlaşmaları üçün vaxt lazımdır. Oyundan-oyuna hər şey daha da yaxşı olacaq”.

Qeyd edək ki, 16 oyundan sonra "Keşlə" 26 xalla 3-cü pillədə qərarlaşıb. "Neftçi" 27 xalla 2-ci yerdə gedir. Lider isə 35 xala malik "Qarabağ"dır.

Digər xəbərlər

Xəbər lenti

Sabah Bakıda 28 dərəcə isti olacaq

Atəşkəs 22 dəfə pozulub

Sabah 34 dərəcə isti olacaq

Gənclər “Tələbə baharı”na dəvət olunur

UNEC onlayn idarəetməyə keçdi

Azərbaycanda Novruz bayramıdır

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi