Ru
Bakı
USD
EUR
GBP
RUB

Goranboyda şəhid olmuş qəhrəmanların tanıdılması ilə bağlı konfrans keçirilib

news photo

02.07.2018 14:49 // Gənclər üçün

“Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Şəhid olan qəhrəmanların gənclər arasında tanıdılması məqsədilə konfransların keçirilməsi” adlı layihə çərçivəsində Goranboy şəhərində layihənin icrasını davam etdirib.

TUMİB-dən Youthportal.az--a bildirilib ki, əvvəlcə Goranboy şəhərində Şəhidlər xiyabanı ziyarət olunub.

Dövlət himninin səslənməsi ilə başlanılan tədbirdə şəhidlərimizin xatirəsi bir dəqiqəlik sükutla yad edilib.

Goranboy rayon Gənclər və İdman İdarəsinin rəisi Elşad Həsənov rayondan doqquz nəfərin Azərbaycanın Milli Qəhrəmanı adına layiq görüldüyünü qeyd edib.

TUMİB-nin sədri Çingiz Bayramov çıxışında bildirib ki, şəhidlik zirvəsinə yol ancaq Vətəni, torpağı, milləti canından artıq sevməkdən keçir.

Bildirilib ki, Aprel şəhidləri gənclər üçün əsl qəhrəmanlıq məktəbinə çevrilib. “Azərbaycanın elə bir bölgəsi, elə bir kəndi tapılmaz ki, orada bir şəhid məzarı olmasın. Onları yaşatmaq, tanıtmaq, hər şəhid ailəsinə hörmətlə yanaşmaq hamımızın vətəndaşlıq borcudur. Həmin qəhrəmanların təbliği isə gənclərin vətənpərvərlik ruhunun formalaşmasında müstəsna rol oynayır”,- deyə Çingiz Bayramov vurğulayıb.

Daha sonra konfransda çıxış edən TUMİB-in üzvləri Müşfiq Əlizadə, Əfqan Vəliyev və digərləri bildiriblər ki, Azərbaycanın bütövlüyü uğrunda, torpaqlarımızın qorunmasında canlarından keçmiş şəhidlərimizin ömür yolu gənclərimizə örnəkdir. Hər bir Azərbaycan vətəndaşı öz qəhrəmanlarını tanımalı, onların keçdiyi həyat yolundan çox şeyləri öyrənməlidir.

news photo news photo

Digər xəbərlər

Xəbər lenti

Təmas xəttində nisbi sakitlik olub

UFAZ-ın 10 tələbəsi ilk 100-lükdə

Sabahın havası - İstilər davam edir

Bitkoinin qiyməti 11 min dolları keçib

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi