Ru
Bakı
USD
EUR
GBP
RUB

Gənc alimlərin tədqiqatlarının nəticələri xarici jurnalda dərc olunub

news photo

27.05.2019 13:17 // Təhsil

Azərbaycan Milli Elmlər Akademiyasının (AMEA) Aşqarlar Kimyası İnstitutunun laboratoriya müdiri, kimya üzrə fəlsəfə doktoru, dosent Əfsun Sucayevin, AMEA Neft Kimya Prosesləri İnstitutunun aparıcı elmi işçisi, Bakı Mühəndislik Universitetinin kafedra müdiri, kimya üzrə fəlsəfə doktoru, dosent Yusif Abdullayevin və ABŞ Buffalo Universitetinin Kimya departamentinin aparıcı elmi işçisi Jochen Autschbachın birgə həmmüəllifi olduqları məqalə “Journal of Molecular Modeling” jurnalında nəşr olunub.

Məqalədə ABŞ Buffalo Universitetinin Kompüter Araşdırmaları Mərkəzinin texniki imkanlarından istifadə olunmaqla aparılan beynəlxalq müştərək tədqiqatlar nəticəsində kvant kimyəvi hesablamaları ilə triazin-2-tionların nümunəsində üçkomponentli kondensləşmə reaksiyalarının təcrübi-nəzəri mexanizmi müfəssəl tədqiq edilib.

Məqalə SOCAR-ın Elm Fondunun maliyyələşdirdiyi “Neft mənşəli məhsulların istismar xassələrini kəskin yaxşılaşdıran yeni, kombinə təsirə malik antioksidantların yaradılması” adlı qrant layihəsi çərçivəsində hazırlanıb.

Xatırladaq ki, məqalənin dərc olunduğu “Journal of Molecular Modeling” jurnalı “Web of Science”, “Google Scholar” kimi nüfuzlu elmi bazalarda indeksləşir.

Digər xəbərlər

Xəbər lenti

İnstitut işçi axtarır

Milli qurtuluş, xalqın zəfəri...

Sabaha gözlənilən hava şəraiti

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi