Ru
Bakı
USD
EUR
GBP
RUB

Çempionlar Liqası: 1/8 finala yüksələn son iki komanda bəlli olacaq

news photo

11.12.2019 10:43 // İdman

Bu gün UEFA Çempionlar Liqasında qrup mərhələsinə yekun vurulacaq.

Youthportal.az xəbər verir ki, VI turun ikinci oyun günündə A, B C və D qruplarındakı komandalar qarşılaşacaqlar.

Türkiyənin turnirdəki yeganə təmsilçisi "Qalatasaray"Fransada PSJ-nin qonağı olacaq. A qrupunun digər matçında "Brügge" Belçikada İspaniyanın "Real Madrid" klubun qəbul edəcək. Madrid və Paris təmsilçiləri 1/8 finala vəsiqəni təmin ediblər. Son oyunların ardından Avropa Liqasında çıxış edəcək komanda da müəyyənləşəcək. İstanbul təmsilçisi bu vəsiqəni qazanmaq üçün qalib gəlməli, "Brügge"nin isə xal itirməsini gözləməlidir.

B qrupunda Almaniyanın "Bavariya" və İngiltərənin "Tottenhem" klublarının 1/8 finalda çıxış edəcəkləri öncədən dəqiqləşib. Bu komandalar son turda Münhendə üz-üzə gələcəklər. Yunanıstan "Olimpiakos"u isə Serbiya "Srvena Zvezda"sını qəbul edəcək. Qonaqlar ən azı heç-heçə sayəsində Avropa Liqasında iştirak hüququna sahib olacaqlar.

İngiltərənin "Mançester Siti" komandasının 1/8 finalı təmin etdiyi C qrupunda digər üç kollektivin növbəti mərhələ şansları qalır. "Şaxtyor" Ukraynada İtaliya "Atalanta"sını qəbul edəcək. Donetsk təmsilçisi qələbə qazansa, digər görüşün nəticəsindən asılı olmayaraq 1/8 finala yüksələcək. "Dinamo" (Zaqreb) isə Xorvatiyada "Mançester Siti"ni məğlub etməli və "Şaxtyor"un xal itirməsinə ümid etməlidir. "Atalanta" "play-off" üçün qələbə qazanmalı və Zaqreb klubunun büdrəməsini gözləməlidir.

Nəhayət D qrupunda Almaniyanın digər təmsilçisi "Bayer" (Leverkuzen) İtaliya "Yuventus"u, İspaniya "Atletiko"su isə Rusiya "Lokomotiv"i ilə qarşılaşacaq. Turin klubu bundan öncəki turda mərhələni təmin edib. Madrid təmsilçisi qələbə qazansa, digər görüşün nəticəsindən asılı olmayaraq 1/8 finalda çıxış edəcək.

Beləliklə,. Bu gecə 1/8 finala son 2 vəsiqə sahibini tapacaq.

Çempionlar Liqası

Qrup mərhələsi, VI tur

11 dekabr

A qrupu

24:00. PSJ (Fransa) - "Qalatasaray" (Türkiyə)

24:00. "Brügge" (Belçika) - "Real Madrid" (İspaniya)

Xal durumu: PSJ – 13, "Real Madrid" - 8, "Brügge" - 3, "Qalatasaray" - 2.

B qrupu

24:00. "Bavariya" (Almaniya) - "Tottenhem" (İngiltərə)

24:00. "Olimpiakos" (Yunanıstan) - "Srvena Zvezda" (Serbiya)

Xal durumu: "Bavariya" - 15, "Tottenhem" - 10, "Srvena Zvezda" - 3, "Olimpiakos" - 1.

C qrupu

21:55. "Dinamo" (Zaqreb, Xorvatiya) - "Mançester Siti" (İngiltərə)

21:55. "Şaxtyor" (Donetsk, Ukrayna) - "Atalanta" (İtaliya)

Xal durumu: "Mançester Siti" - 11, "Şaxtyor" - 6, "Dinamo" - 5, "Atalanta" - 4.

D qrupu

24:00. "Bayer" (Leverkuzen, Almaniya) - "Yuventus" (İtaliya)

24:00. "Atletiko" (Madrid, İspaniya) - "Lokomotiv" (Moskva, Rusiya)

Xal durumu: "Yuventus" - 13, "Atletiko" - 7, "Bayer" - 6, "Lokomotiv" - 3.

Digər xəbərlər

Xəbər lenti

Sabah Bakıda 28 dərəcə isti olacaq

Atəşkəs 22 dəfə pozulub

Sabah 34 dərəcə isti olacaq

Gənclər “Tələbə baharı”na dəvət olunur

UNEC onlayn idarəetməyə keçdi

Azərbaycanda Novruz bayramıdır

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi