Ru
Bakı
USD
EUR
GBP
RUB

BDU-nun kitabxana və nəşriyyatının problemləri müzakirə olunub

news photo

10.07.2019 11:19 // Təhsil

Bakı Dövlət Universitetinin (BDU) rektoru Elçin Babayev Elmi kitabxana və "Bakı Universiteti" nəşriyyatının kollektivi ilə görüşüb.

BDU-dan Youthportal.az-a verilən məlumata görə, universitetin cari və perspektiv fəaliyyət proqramından danışan rektor tədrisin keyfiyyətinin artırılması və elmi-tədqiqat işlərinin gücləndirilməsi istiqamətində aparılan işlərə təkan olaraq kitabxana və nəşriyyat işinin yenidən qurulacağını diqqətə çatdırıb.

Kitabxana işinin təşkili sahəsində dünyada ciddi dəyişikliklərin baş verdiyini vurğulayan rektor elektron kitabxana və bu sahədə yeni yanaşmaların tətbiqinin vacibliyini qeyd edib. Rektor elektron kitabxananın müasir dövrün tələbi olduğunu xatırladaraq onun insanların informasiya əldə etməsi üçün zaman və məkan asılılığına son qoyduğunu bildirib. Görüşdə tələbə və müəllimlərin kitabxanadan daha səmərəli istifadə etmələri üçün iki növbəli iş rejimi və elmi nəşrlərə abunəliklə bağlı müzakirələr aparılıb.

"Bakı Universiteti" nəşriyyatının yeni poliqrafik avadanlıqlarla təchiz olunacağı, daha keyfiyyətli mətbəənin qurulacağı barədə də müzakirələr aparılıb.

Rektor Elçin Babayev kollektivin birgə əməyi nəticəsində kitabxana və nəşriyyat işi sahəsində işləri daha da yaxşılaşdırmaq və standartları yüksəltmək üçün birgə görüləcək işlərin müsbət nəticələr verəcəyinə əminliyini ifadə edib.

Tədbir iştirakçıların suallarının cavablandırılması ilə başa çatıb.

Qeyd edək ki, görüşlərin davamlı olaraq digər strukturlarda da keçirilməsi nəzərdə tutulub.

Digər xəbərlər

Xəbər lenti

Atəşkəs rejimi 23 dəfə pozulub

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi