Ru
Bakı
USD
EUR
GBP
RUB

Bakıda Formula 1 pilotlarının avtoqraf sessiyası keçirilib

news photo

26.04.2019 12:51 // Formula 1

Bakıda Formula 1 pilotlarının avtoqraf sessiyası keçirilib.

Youthportal.az xəbər verir ki, sessiya Dənizkənarı Milli Parkda fan-zonada baş tutub.

İlk sessiyada “Red Bull Racing”, “Ferrari” və “Renault” komandalarının pilotları azarkeşlərlə görüşüb və avtoqraf veriblər.

Növbəti avtoqraf sessiyalar aprelin 27-si və 28-də baş tutacaq. Aprelin 27-də “Racing Point”, “Alfa Romeo” və “Mercedes”, aprelin 28-də isə “Williams, “McLaren”, “Haas F1” və “Toro Rosso” komandalarının pilotları avtoqraf sessiyaları keçirəcək.

Xatırladaq ki, Formula 1 Bakıda 2016-cı ildən keçirilir. Şəhər trasının uzunluğu 6 kilometrdən bir qədər çoxdur. Trekin ən geniş sahəsi 13 metr, ən dar hissəsi isə İçərişəhər yaxınlığında, yeddi və səkkizinci döngələrdir – 7,6 metr. Start və finiş xətti “Azadlıq” meydanındadır.

2016-cı ildə “Williams” komandasının pilotu Valtteri Bottas tərəfindən Bakıda Formula 1 yarışlarının sürət rekordu qeydə alınıb – 378 km/saat.

Azərbaycanda Qran Priyə tamaşa etmək üçün daha çox Rusiya, Böyük Britaniya, Gürcüstan, Niderland, Polşa, BƏƏ və Finlandiya vətəndaşları səfər edirlər.

Digər xəbərlər

Xəbər lenti

Sumqayıtda fləşmob:Biz müstəqilik

Serbiyada təhsil təqaüd proqramı

Çağırış Kuboku yubileyini qeyd edir

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi