Ru
Bakı
USD
EUR
GBP
RUB

Bakı Ali Neft Məktəbində “Mühəndislər üçün Biznes təhsili” layihəsinin növbəti kursu başa çatıb

news photo

18.04.2019 15:27 // Təhsil

Bakı Ali Neft Məktəbi (BANM) və BP şirkətinin birgə əməkdaşlığı çərçivəsində ərsəyə gələn,  artıq 3-cü dəfədir ki, həyata keçirilən “Mühəndislər üçün Biznes təhsili” layihəsinin növbəti kursu başa çatıb. 

BANM-dan Youthportal.az-a bildiirlib ki, tədbirdə Ali Məktəbin rəhbərliyi, professor-müəllim və inzibati heyəti, tələbələr, BP-nin məsul şəxsləri iştirak ediblər. Həmçinin, tədbirin mükafatlandırma mərasimindən əvvəl BP-nin Əlaqələr, xarici işlər və strategiya üzrə vitse prezidenti Bəxtiyar Aslanbəyli regionda geopolitika mövzusunda təqdimat edib, BANM-ın 2018-ci il məzunu və hazırda Baker Hughes, a GE şirkətinin Azərbaycanda aparıcı sahə mühəndisi Emiliya Məmmədova isə tələbələrə master-klass keçib.

“Mühəndislər üçün Biznes təhsili” layihəsi mühəndis ixtisası üzrə təhsil alan 5-ci kurs tələbələri üçün keçirilib və BANM-dakı təhsil müddətində mühəndislik üzrə yüksək səviyyəli bilik və tətbiqi səriştəliklərə yiyələnmiş tələbələrə yeni proqram çərçivəsində, həm də menecment və biznes sahəsində geniş bilgilər verilib. Proqram məzunların müasir biznes mühitinə daha effektli inteqrə olunması üçün şərait yaradıb.

BANM-in rektoru Elmar Qasımov çıxışı zamanı qeyd edib ki, “Mühəndislər üçün biznes təhsili” layihəsinin həyata keçirilməsində əsas məqsəd gənc mühəndislərə ümumi biznes biliklərini, baza prinsipləri, liderlik keyfiyyətləri, layihələrin idarə edilməsi və bir sıra digər istiqamətdə biznes səriştə və biliklər haqqında modullar keçirilərək  savadlı, intellektual kadrlara sahib olmaqdır.

Daha sonra BANM-in rektoru Elmar Qasımov Ali Məktəbin məzunu olmağa hazırlaşan 5-ci kurs tələbələrilə görüşüb, onları “Mühəndislər üçün biznes təhsili” kursunu uğurla başa vurduqları üçün təbrik edərək BP və BANM-ın birgə sertifikatı ilə təltif edib. Tədbirin sonunda xatirə şəkli çəkilib.

Qeyd edək ki, 2 ay müddətində davam edən proqramın tədris edilməsi üçün müxtəlif şirkətlərdə çalışan təcrübəli ekspertlər cəlb olunub. Layihə çərçivəsində tələbələrə  “Təqdimat və kommunikasiya bacarığı”, “Layihələrin idarə edilməsi”, “Vaxtın idarə edilməsi və effektivlilik”, “Liderlik”, “Risklərin idarə edilməsi”, “Maliyyənin əsasları: Büdcə və xərclərə nəzarət”, “İnsan resurslarının idarə olunması” kimi modullar keçirilib.

Layihədə BANM, ADNSU, UFAZ, BMU, ADA, AzMİU və Xəzər universitetlərindən xüsusi seçim prosesindən keçən 110-dan çox tələbə iştirak edib.

Digər xəbərlər

Xəbər lenti

“Adagio” yenidən göstəriləcək

Bakalavrların nəzərinə!

Atəşkəs 21 dəfə pozulub

"Avroviziya-2019"un qalibi məlum oldu

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi