Ru
Bakı
USD
EUR
GBP
RUB

Azərbaycanın kişi voleybol yığması tarixində ilk dəfə Avropa çempionatına vəsiqə şansı qazanıb

news photo

06.01.2019 12:20 // İdman

Azərbaycanın kişi voleybolçulardan ibarət milli komandası tarixində ilk dəfə Avropa çempionatının final mərhələsinə çıxmaq üçün vəsiqə şansı qazanıb.

Youthportal.az-ın məlumatına görə, Fərid Cəlalovun baş məşqçi olduğu kollektiv buna seçmə mərhələdə G qrupunun V tur matçında Bakıda Lüksemburq üzərində 3:1 hesablı qələbə sayəsində nail olub.

Dərnəgüldəki Voleybol Mərkəzində keçirilmiş görüşdə meydan sahibləri ilk seti 25:18, ikincisini 27:25 hesablı üstünlüklə tamamlayıb. Üçüncü seti Lüksemburq 25:21 hesabı ilə öndə bitirsə də, dördüncü set həlledici olub - 25:20. Beləliklə, ümumilikdə 101 dəqiqə davam edən mübarizənin yekununda Azərbaycan millisi xallarını 8-ə yüksəldib. Qrupun digər görüşündə Yunanıstan İsveçə qalib gələrək, xallarını 14-ə yüksəldib. Skandinaviya təmsilçisi 5 xalla 3-cü pillədə qərarlaşıb. 3 xala malik Lüksemburq isə axırıncıdır.

Yanvarın 9-da keçiriləcək son turun oyunlarında Lüksemburqla Yunanıstanı, İsveç Azərbaycanı qəbul edəcək. Qaydalara əsasən, 7 qrup üzrə ilk pillələrin sahibləri ilə yanaşı, ikinci pilləni tutanlardan 5 ən yaxşısı final mərhələsinə birbaşa vəsiqə qazanırlar. İsveç son turda Azərbaycana 3:0 və ya 3:1 hesabı ilə qalib gəlsə, xallar bərabərləşəcək. Bu halda ilk növbədə, qələbə sayı əsas götürüləcək. Hazırda Cəlalovun komandasının 3, skandinaviyalıların 1 qələbəsi var. Bu isə o deməkdir ki, Azərbaycan yığması ən azı minimal hesabla (2:3) uduzacağı təqdirdə ən yaxşı 5-yə daxil olaraq mərhələ adlaya bilər.

Qeyd edək ki, final mərhələsi 13 - 29 sentyabrda ilk dəfə 4 ölkədə - Fransa, Sloveniya, Belçika və Hollandiyada təşkil olunacaq. İştirakçı sayı isə 16-dan 24-ə qaldırılıb.

Digər xəbərlər

Xəbər lenti

Sabahın hava proqnozu açıqlanıb

Azərbaycanda Novruz bayramı qeyd edilir

Ceki Çan "Alpinistlər" filmində

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi