Ru
Bakı
USD
EUR
GBP
RUB

Azərbaycanın Əməkdar artisti Türkiyədə mükafata layiq görülüb

news photo

14.01.2020 14:45 // Cəmiyyət

Tanınmış gənc violin ifaçısı, Azərbaycan Respublikasının Əməkdar artisti Elvin Hoca Qəniyev Türkiyənin 2019-cu il üçün “Aydın Gün Təşviq Mükafatı”na layiq görülüb.

Mədəniyyət Nazirliyindən Youthportal.az-a verilən məlumata görə, İstanbul Mədəniyyət və Sənət Vəqfinin (İMSV) mədəniyyət və sənət sahəsinə, eləcə də gələcəyin sənətçilərinin yetişməsinə dəstək məqsədilə 2012-ci ildə təsis etdiyi mükafat Elvinə bu ilin iyun ayında təşkil olunacaq 48-ci İstanbul Musiqi Festivalının açılış mərasimində təqdim ediləcək.

1997-ci ildə musiqiçi ailəsində dünyaya gələn Elvin 5 yaşından skripka ifa etməyə başlayıb. Səkkiz yaşında babası - Azərbaycanın Xalq artisti, skripkaçı və dirijor Sərvər Qəniyevlə birlikdə ilk konsertini verib. Həmin il İsveçrənin Sürix Konservatoriyasının “Gənc sənətçi” proqramına daxil edilib. 10 yaşında Vladimir Spivakovun rəhbərliyi ilə “Moskva virtuozları” ilə birlikdə Kreml Sarayında ilk konsertini təqdim edib.

İspaniyanın paytaxtı Madriddə Reina Sofia İncəsənət Mərkəzinin Ali Musiqi Məktəbini bitirən gənc ifaçı hazırda Almaniyada Hannover Musiqi, Teatr və Media Universitetində təhsilini davam etdirir.

Virtuoz ifaçı indiyədək bir çox müsabiqə və festivallarda uğur qazanıb. O, gənc violin ifaçılarının K.Lipinski və Q.Venyavski adına, P.İ.Çaykovski adına, D.Oystrax adına və digər nüfuzlu beynəlxalq müsabiqələrin laureatıdır. 2008-ci ildə Prezident İlham Əliyevin müvafiq sərəncamı ilə onun adı Azərbaycanın gənc istedadlarının “Qızıl kitabı”na yazılıb.

Qeyd edək ki, Aydın Gün (1917-2007) İstanbul və Ankara operalarının banisi olmaqla yanaşı, İstanbul Mədəniyyət və Sənət Vəqfinin də yaradıcısıdır. O, 1974-1993-cü illərdə İMSV-nin baş meneceri olaraq fondun bir çox layihələrinə rəhbərlik edib. A.Gün 1988-ci ildə Türkiyənin "Dövlət sənətçisi" adına layiq görülüb, “Avropa Şurası Mədəniyyət Mükafatı"nın sahibidir. 90-cı illərin sonunda ailəsi ilə Berlinə köçən opera ifaçısı sənətini orada davam etdirib, Almaniyada vəfat edib.

Digər xəbərlər

Xəbər lenti

Sabah Bakıda 28 dərəcə isti olacaq

Atəşkəs 22 dəfə pozulub

Sabah 34 dərəcə isti olacaq

Gənclər “Tələbə baharı”na dəvət olunur

UNEC onlayn idarəetməyə keçdi

Azərbaycanda Novruz bayramıdır

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi