Ru
Bakı
USD
EUR
GBP
RUB

Azərbaycanda tibbi maskaların qanunsuz satışı ilə məşğul olan cinayətkar dəstələrin üzvləri saxlanılıb

news photo

09.03.2020 13:25 // Cəmiyyət

Azərbaycanda tibbi maskaların qanunsuz satışı ilə məşğul olan və onları ölkə hüdudlarından kənara çıxarmağa cəhd göstərən şəxslər saxlanılıb. Bu barədə Daxili İşlər Nazirliyinin (DİN) mətbuat xidməti məlumat yayıb.

“DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən ölkə ərazisində son günlər tibbi maskalara artan tələbatdan sui-istifadə edərək bu ləvazimatların real dəyərindən dəfələrlə baha qiymətə satışını həyata keçirməyə cəhd edən, habelə qaçaqmalçılıq yolu ilə ölkə hüdudlarından kənara çıxarmağa çalışan şəxslərə qarşı kompleks əməliyyat tədbirləri həyata keçirilib”, - deyə məlumatda bildirilir.

Cinayətkar dəstələrin üzvləri arasında Azərbaycan, İran və Çin vətəndaşları var.

Baş İdarənin əməkdaşları tərəfindən keçirilən tədbirlər nəticəsində ümumilikdə 1 milyon 50 min ədəd tibbi maska müəyyən edilərək dəstə üzvlərindən maddi sübut kimi götürülüb.

“Aşkar edilən faktlarla bağlı araşdırmalar davam etdirilir”, - deyə məlumatda qeyd olunur.*

Digər xəbərlər

Xəbər lenti

Sabah 40 dərəcəyədək isti olacaq

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi