Ru
Bakı
USD
EUR
GBP
RUB

Azərbaycan-Çin esse müsabiqəsinin qalibləri mükafatlandırılıb (FOTO)

news photo

20.11.2019 11:47 // Təhsil

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Çin Xalq Respublikasının (ÇXR) yaranmasının 70-ci ildönümünə həsr olunmuş Azərbaycan-Çin esse müsabiqəsi qaliblərinin mükafatlandırılması mərasimi keçirilib.

ADU-dan Youthportal.az-a bildirilib ki, müsabiqəyə Azərbaycan ilə Çin arasında diplomatik münasibətlərin tarixinə və strateji prioritetlərinə, XXI əsrdə Böyük İpək Yolunun bərpasına, müasir dünyada hər iki ölkənin humanitar missiyasına həsr olunmuş esselər təqdim edilib.

Ümumilikdə müxtəlif nominasiyalarda Azərbaycanın müxtəlif regionlarından dörd esse müəllifi mükafatlandırılıb. Şəki şəhər 18 saylı orta məktəbin şagirdi Sabir Nurullayevin “Yolların yaxın etdiyi uzaqlar” , Ağstafa rayon 2 saylı orta məktəbin şagirdi Nərmin Paşayevanın “Böyük məsafələr, böyük yaxınlıqlar” , Neftçala rayon Aşağı Qaramanlı kəndi orta məktəbin şagirdi Xədicə Əliyevanın “Ulu öndər Heydər Əliyevin Azərbaycan-Çin əlaqələrinin inkişafında rolu” və ADU-nun Filologiya fakültəsinin tələbəsi Zeynəb Əlizadənin “Azərbaycan Çin əlaqələri” esseləri mükafatlara layiq görülüb.

Qaliblərə münsiflər heyətinin sədri, ADU rektorunun ictimai məsələlər üzrə müşaviri Sərraf Hüseynov Konfutsi İnstitutunun Çin dili kurslarına pulsuz təhsil almaq sertifikatı da daxil olmaqla fəxri fərman və mükafatlar təqdim edib.

Həmkarlar İttifaqı Komitəsinin sədri Misgər Məmmədov qalibləri təbrik edərək, bu cür müsabiqələrin keçirilməsinin təhsil sahəsində əlaqələrin gücləndirilməsinə böyük töhfələr verəcəyini bildirib.

Müsabiqənin qaliblərinə ADU-nun Konfutsi İnstitutunun Azərbaycan və Çin dilində hazırladığı “İlham Əliyev – iki qədim xalqın dostluğunun müasir davamçısı” və Azərbaycan dilində çapdan çıxmış Çin Xalq Respublikasının Sədri Si Cinpinin dövlət idarəçiliyinin müasir konsepsiyasına və Çin rəhbərliyinin siyasi strategiyasına həsr olunmuş çıxışlarının əsas tezislərindən ibarət kitablar hədiyyə edilib.

Konfutsi İnstitutunun direktoru Rafiq Abbasov qeyd edib ki, son illər Azərbaycan ilə Çin arasında - tarixən Böyük İpək yolu ilə bağlı olan iki ölkə arasında humanitar sahədə əməkdaşlıq yeni inkişafa təkan verir. Bu, ilk növbədə, Çin Avrasiya iqtisadi-nəqliyyat dəhlizlərinin yaradılması, həmçinin İpək Yolu ölkələri arasında humanitar mübadilə, mədəniyyətlərarası dialoq və siyasi ünsiyyətin təmin olunması istiqamətində nəzərdə tutulmuş “Bir kəmər, bir yol” təşəbbüsünün həyata keçirilməsində ölkəmizin fəal iştirakı ilə əlaqədardır.

R.Abbasov, həmçinin 2015-ci ilin dekabrında Azərbaycan Respublikasının Prezidenti İlham Əliyevin Çinə tarixi səfərini xatırladaraq, bu səfər zamanı ÇXR-in Sədri Si Cinpinlə birgə iki ölkə arasında çoxtərəfli əməkdaşlığın gələcək inkişafı üçün möhkəm bünövrə qoyan “İpək Yolu İqtisadi Kəməri”nin yaradılmasının birgə təşviqinə dair anlaşma memorandumu imzalandığını qeyd edib.

news photo news photo news photo news photo news photo

Digər xəbərlər

Xəbər lenti

Auditorlar Palatası imtahan keçirəcək

Məktəbdən peşəyə (FOTO)

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi