Ru
Bakı
USD
EUR
GBP
RUB

Azərbaycan və Belarus gənclərinin birgə konserti olub (FOTO)

news photo

29.11.2018 10:06 // Gənclər üçün

Beynəlxalq Muğam Mərkəzində yaradıcı Azərbaycan və Belarus gənclərinin birgə konserti keçirilib.

Youthportal.az xəbər verir ki, tədbir Azərbaycan Gənclər və İdman Nazirliyinin və Belarus Təhsil Nazirliyinin dövlət gənclər siyasəti sahəsində 2018-2019 illər üçün birgə tədbirlər planına əsasən keçirilən“Azərbaycanda Belarus gəncləri günləri” çərçivəsində həyata keçirilib.

“Azərbaycanda Belarus gəncləri günləri”nin keçirilməsində məqsəd – iki ölkə arasında gənclər siyasəti sahəsində əməkdaşlığın, gənclərin beynəlxalq əlaqələrinin inkişaf etdirilməsidir. Tədbir çərçivəsində Belarus və Azərbaycan gənclər təşkilatlarının rəhbərlərinin iştirakı ilə “Azərbaycan və Belarus gənclər siyasəti sahəsində inkişafı və əməkdaşlığı perspektivləri” mövzusunda dəyirmi masa təşkil olunub, gənclər üçün master-klasslar keçirilib, konsertlər və tarixi yerlərə ekskursiyalar təşkil olunub.

Tədbirdə Belarus Respublikasının Təhsil Nazirliyinin əməkdaşları və qeyri-hökümət təşkilatlarının yaradıcı gənclərindən ibarət nümayəndə heyəti iştirak edib.

Beynəlxalq Muğam Mərkəzində keçən konsertdə çıxış edən istedadlı gənclər öz ifaları ilə tamaşaçıları heyran edib və gur alqışlarla qarşılanıb.

Beynəlxalq Muğam Mərkəzində muğamın, milli klassik və ətnik musiqinin təbliği və inkişafı məqsədi ilə həyata keçirilən tədbirlər və möhtəşəm yaradıcılıq layihələri davam edir. Noyabrın 29-da saat 19:00-da Beynəlxalq Muğam Mərkəzinin yeni “Qəzəllər” layihəsi çərçivəsində keçirilən musiqi gecəsində Seyid Əzim Şirvaninin qəzəlləri səslənəcək.

news photo news photo news photo news photo news photo news photo news photo news photo news photo

Digər xəbərlər

Xəbər lenti

Sabahın hava proqnozu açıqlanıb

Atəşkəs 23 dəfə pozulub

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi