Ru
Bakı
USD
EUR
GBP
RUB

Azərbaycan karateçiləri Avropa Kubokundan 3 qızıl, 3 gümüş və 1 bürünc medal qazanıblar

news photo

07.11.2019 18:32 // İdman

Azərbaycan karateçiləri Macarıstanın Monor şəhərində vodokay növü üzrə 47-ci Avropa Kubokunun fərdi yarışlarında 2 qızıl, 3 gümüş və 1 bürünc medal qazanıblar. 

Youthportal.az Azərbaycan Karate Federasiyasının rəsmi saytına istinadən xəbər verir ki, Azərbaycan millisi də komanda yarışında qızıl mükafata sahib olub. 

Gündüz Mahmudovun rəhbərlik etdiyi komandanın heyətindən Musa Məmmədov (14-15 yaşlı yeniyetmələr, 63 kq) və Fərid Ağayev (16-17 yaşlı gənclər, 76kq) fərdi yarışda birinci yeri tutub. 

Rəsul Abbasov (14-15 yaşlı yeniyetmələr, 57 kq), Abbas Dadaşov (16-17 yaşlı gənclər, 68kq) və Adil Quliyev (16-17 yaşlı gənclər, 76kq) gümüş, Kənan Babayev (16-17 yaşlı gənclər, 68kq) isə bürünc medalla kifayətlənib. 

Namiq Pirverdiyevin baş məşqçi olduğu Fərid Ağayev, İlknur Elmuradov, Abbas Dadaşov və Kənan Babayevdən ibarət yığma isə komanda turnirinin qızıl medalını qazanıb. Karateçilər Macarıstanı 2:0, İtaliya və Şotlandiyanı 2:1, final görüşündə isə Almaniyanı 2:0 hesabı ilə məğlub ediblər. 

Qeyd edək ki, Vidadi Mahmudov yarışın hakimlərindən biri olub. Avropa Kuboku uğrunda 15 ölkədən 600-dən artıq karateçi mübarizə aparıb.   

Digər xəbərlər

Xəbər lenti

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi