Ru
Bakı
USD
EUR
GBP
RUB

Azərbaycan badmintonçusu "Egypt International 2019" turnirində dörddəbir finala vəsiqə qazanıb

news photo

19.10.2019 11:14 // İdman

Azərbaycan badmintonçusu Edi Reski Dviçayo Misirin paytaxtı Qahirədə keçirilən "Egypt International 2019" beynəlxalq turnirində dörddəbir finala vəsiqə qazanıb.

Youthportal.az xəbər verir ki, turnirdə ölkəmizi kişilərin şəxsi yarışında Edi Reski Dviçayo və Ezmi Qovımuramadhoni təmsil edirlər.

Mübarizəyə onaltıdabir final mərhələsindən başlayan E.R.Dviçayo ilk görüşünü portuqaliyalı Duarte Nuno Anjoya qarşı keçirib. Badmintonçumuz rəqibini məğlub edərək səkkizdəbir finala adlayıb. Bu mərhələdə idmançımız hindistanlı Dvur Ravatı 2:0 hesabı ilə üstələyərək növbəti mərhələyə vəsiqə qazanıb. Dörddəbir final mərhələsində Dviçayonun rəqibi belçikalı Maksim Morels olacaq.

Digər badmintonçumuz E.Qovımuramadhoni isə irlandiyalı Conatan Dolanla qarşılaşıb. Gərgin keçən görüşdə badmintonçumuz 0:2 hesabı ilə uduzub.

Turnirdə 60 kişi və 49 qadın badmintonçu iştirak edəcək. Yarışın mükafat fondu 10 min dollardır.

Xatırladaq ki, badmintonçumuz E.R.Dviçayo Azərbaycan idman tarixində ilk dəfə Olimpiya Oyunlarına lisenziya qazana bilər.

Digər xəbərlər

Xəbər lenti

"Mən bunu bilsəydim” adlı tədbir keçiriləcək

Bizə qoşulun

facebook
facebook
facebook
Gənclər Paytaxtı
Salto Youth
Tehsil Nazirliyi