İcbari Tibbi Sığorta üzrə Dövlət Agentliyinin mütəxəssislərinin Estoniyaya səfəri başa çatıb

11 2017 [15:22] - YouthPortal.Az

Avropa İttifaqının “SOCIEUX+” proqramı çərçivəsində və Estoniyanın Sosial İşlər Nazirliyinin dəvəti ilə avqustun 7-11-də Nazirlər Kabineti yanında İcbari Tibbi Sığorta üzrə Dövlət Agentliyinin mütəxəssisləri icbari tibbi sığortanın tətbiqi sahəsində beynəlxalq təcrübənin öyrənilməsi məqsədilə Estoniya Respublikasının Tallinn şəhərində səfərdə olublar.

Avropanın qabaqcıl təcrübəsindən istifadə edilməklə səhiyyənin maliyyələşdirilməsi islahatlarının həyata keçirilməsində və icbari tibbi sığortanın tətbiqində Azərbaycan hökumətinə dəstək əməkdaşlıq layihəsinə əsasən, Agentliyin direktorunun müavini Nigar Bayramovanın rəhbərlik etdiyi nümayəndə heyətinin Estoniyanın tibbi sığorta sisteminin müvafiq qurum və təşkilatları, eləcə də bu sahədəki səlahiyyətli dövlət qurumları ilə bir sıra görüşləri baş tutub.

Direktorun müavini Azərbaycanda icbari tibbi sığortanın tətbiqi sahəsində görülən işlər haqda iştirakçılara məlumat verib.

Estoniyanın Sosial İşlər Nazirliyində, Tibbi Sığorta Fondunda keçirilən görüşlərdə Estoniyada səhiyyənin maliyyələşməsi sistemləri ilə bağlı əhəmiyyət kəsb edən məsələlər, tibbi sığorta sisteminin təşkili, tətbiqi və inkişafı, tibb mütəxəssislərinin akkreditasiyası və tibb təchizatçılarının maliyyələşmə mexanizmlərinin müasir formaları, tibb müəssisələrinin lisenziya əldə etmək qaydaları, o cümlədən tibbi xidmətlərin planlaşdırılması, dərman vasitələri ilə təchizat, tibbi xidmət təminatçılarının işinə və tibbi xidmətlərin keyfiyyətinə nəzarət kimi məsələlər müzakirə olunub. Agentliyin mütəxəssisləri Şimali Estoniya Tibb Mərkəzində tibbi sığortanın tətbiqi ilə əlaqəli prosesləri izləyiblər.

Görüşün yekununda Nazirlər Kabineti yanında İcbari Tibbi Sığorta üzrə Dövlət Agentliyi və Estoniya Tibbi Sığorta Fondu arasında gələcək əməkdaşlıq perspektivləri müzakirə edilib.




 

Xəbər lenti

 

Bütün xəbərlərə baxmaq

Video

Günün ulduz falı

Hava

Xəbərlər arxivi

31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
 

Bizə qoşulun